A Xunta de Galicia, a través da Secretaría Xeral de Modernización e Innovación Tecnolóxica (SXMIT) é a promotora do Observatorio da Sociedade da Información e a Modernización de Galicia (OSIMGA).
A SXMIT é o órgano superior da Administración autonómica que ostenta a función do impulso, asesoramento técnico e apoio en materia de tecnoloxías da información e as comunicacións (TIC), así como a súa aplicación para a modernización e impulso da innovación de Galicia en cuestións de desenvolvemento tecnolóxico.
A SXMIT, a cargo da estratexia tecnolóxica global da Xunta de Galicia, dirixe de xeito global a aplicación das TIC na Administración autonómica e colabora no impulso da sociedade da información en Galicia.
A SXMIT depende directamente do presidente da Xunta de Galicia como apoio ás distintas consellerías en todas estas tarefas; é por iso que desde estas se colabora a nivel global para lograr a consecución dos obxectivos.
Estrutura
O OSIMGA, como órgano asesor, estrutúrase nun pleno e en grupos de traballo técnico. No pleno, ademais da Secretaría Xeral de Modernización están representados outros departamentos Administración autonómica, como son as consellerías de Presidencia, Administracións Públicas e Xustiza, de Economía e Industria, e de Facenda, ou o Instituto Galego de Estatística. Ademais, forman parte do pleno representantes da Administración do Estado, da universidade, da Federación Galega de Municipios e Provincias (FEGAMP), así como personalidades de recoñecido prestixio en materia da sociedade da información e da modernización administrativa.
Pode subscribirse ás novidades desta web cun lector de feeds