Observatorio da Sociedade da Información e a Modernización de Galicia

Noticias

• Un de cada tres adolescentes acepta invitacións de persoas descoñecidas por internet a través das redes sociais e mensaxería
  [02/09/2010]
  
  Panda Security presentou a segunda vaga do seu Estudo sobre o nivel de seguridade de menores na rede. Este estudo enmárcase na campaña www.menorenlared.es, organizada por Panda Security, e que conta coa colaboración de Inteco, Infospyware, WOT, Asociación de Usuarios de Internet, Kalipedia, Parques Reunidos e Micropolix.
• Publícase unha guía sobre seguridade e privacidade da tecnoloxía das etiquetas de radiofrecuencia RFID
  [02/09/2010]
  
  A Axencia Española de Protección de Datos (AEPD) e o Instituto Nacional de Tecnoloxías da Comunicación (Inteco) publican a Guía sobre seguridade e privacidade da tecnoloxía RFID debido á presenza cada vez maior destes sistemas.
• Un documento elaborado por Inteco centra nas pemes as medidas máis importantes para obter un nivel mínimo de seguridade nos sistemas de información
  [02/09/2010]
  
  O Instituto Nacional de Tecnoloxías da Comunicación (Inteco) redactou un documento co fin de explicar en que consisten as medidas de seguridade máis importantes para as pemes, como as copias de seguridade, a recuperación de datos ou a súa protección.
• A maioría das empresas TIC recoñecen centrar a innovación no desenvolvemento de produtos e servizos e menos da metade na comercialización e na atención ao cliente
  [26/08/2010]
  
  O informe Innovación 2.0 nas empresas do sector das TIC analiza o volume de investimento nas empresas TIC co propósito de coñecer a capacidade de innovar do sector como panca de crecemento e elemento clave para o establecemento de vantaxes competitivas. O informe foi elaborado por Accenture e AETIC, e está baseado en entrevistas realizadas a directivos das empresas máis importantes do sector. A continuación móstranse as principais conclusións do documento.
• A maioría das empresas do sector TIC comparte a actividade relacionada co software de fontes abertas coa comercialización de software privativo
  [26/08/2010]
  
  O Centro Nacional de Referencia de Aplicación das TIC (CENATIC) publicou o Informe sobre o estado da arte do software de fontes abertas na empresa española 2009 onde se informa sobre a situación do mercado do SFA desde a perspectiva das empresas do sector TIC.
• O uso dos Sistemas de Información Xeográfica (SIX) nas Administracións públicas pódese converter nun dos máis importantes aliados para mellorar os servizos que ofrecen á cidadanía
  [24/08/2010]
  
  O documento Os Sistemas de Información Xeográfica no ámbito das entidades locais elaborado pola Junta de Castela e León e da Rede de municipios dixitais de Castela e León pretende promover os servizos públicos en liña de calidade no contorno local para a cidadanía, empresas e organizacións usando estas Novas Tecnoloxías da Información e Comunicacións.
• O sector das TIC diminuíu en 2009 o seu volume de facturación un 8,1 % respecto ao ano 2008
  [18/08/2010]
  
  A Asociación de Electrónica, Informática e Telecomunicacións de España (AETIC) presentou o estudo As tecnoloxías da información en España 2009, que mostra que este subsector diminuíu o seu volume de facturación un 8,1 por cento respecto ao 2008, ata alcanzar os 17.468.000 de euros, mantendo a desaceleración que comezou a finais de 2007.
• Menos da metade dos concellos avaliados no estudo da Administración electrónica local contestou un correo electrónico antes de 24 horas
  [18/08/2010]
  
  ADECES (Asociación Pro Dereitos Civís Económicos e Sociais) e AI (Asociación de Internautas) realizaron, entre os meses de marzo e xuño de 2010, o I Estudo sobre Administración electrónica local en 25 concellos representativos das 17 comunidades autónomas (CCAA) e as dúas cidades autónomas. De Galicia só se tiveron en conta os concellos da Coruña e Pontevedra.
• Nas pemes españolas prodúcese unha maior aceptación do software de fontes abertas (SFA) que nas empresas grandes
  [18/08/2010]
  
  O Centro Nacional de Referencia de Aplicación das TIC (CENATIC) publica o Informe sobre o estado da arte do software de fontes abertas na empresa española 2009, onde se presentan os resultados da enquisa realizada a 88 entidades nacionais usuarias destas tecnoloxías.
• A entidade pública Red.es convoca as invitacións para o sector TIC para colaborar no programa Ningunha Empresa sen Web (NEW III)
  [11/08/2010]
  
  Convócanse as invitacións para participar coa entidade pública empresarial Red.es na nova extensión do Programa NEW (Ningunha Empresa sen Web) que ten por obxectivo que as empresas desenvolvan as súas propias páxinas web.